عاصمة لكل المصرين بكافة انتمئاتهم وملتهم ومع ذكر الملة فى
البطاقة الشخصية
فما المانع ان يذكر فيها ملة صاحبها مسلم او مسيحى او اخرين
لكن بشرط الا ينقلب احد على احد او ينفرد بالراى والفكر احد نعيش
سويا بلا ضغينة او رغبة من احد لفرض راية على الاخر يسود
بيننا التعاون والمحبة
فكرة جديدة قديمة لكنى ارى ان الوقت قد حان الان لهذة الفكرة حتى نخرج من الخناق والزحام القاتل .ونحول اليها هجرة الاقاليم عوضا عن القاهرة و نفتح ابواب الخير والرزق للجميع
كل واحد يحكى ويقول ويشارك فى التخطيط .
نفسك العاصمة الجديدة يكون شكلها اية؟
هنا مدونة كل المصرين لا تعقب او تعطى تعقيبات
تكلم وكانها مدونتك قول بتحب اية فى العاصمة
القديمة واية بتكرهو السلبيات والايجابيات
وتحلم و تحب العاصمة الجديدة على اى طراز و هيئة
الاشتراك في:
تعليقات الرسالة (Atom)
السلام عليكم
ردحذفاخى الكريم
جزاكم الله خيرا على المدونة الجميله هذه
ولكن اسمح لى بالتحدث صراحه
انشاء عاصمه جديده على نفس الاسلوب الحكومى الموجود حاليا فلن يفيد شيئا فلن تخرج عن صوره من احدي صور المدن الجديده التى يعانى اكثرها من مشاكل فى المواصلات وغيرها
هناك افكاركثيره لتحسين الامور
منها العمل بقليل من اللامركزيه فى الوزارات بان يتم اعطاء صلاحيات اكير للمحافظين ومسئولى الوزارات بالمحافظات وبالتالى ستقل اعداد الذين ياتون للقاهره لقضاء مصالحهم وهم بالملايين
ايضا عمل تسهيلات حقيقيه كثيره فى المحافظات
وبالطبع الامر يحتاج الى مسئولين فى المحافظات ذوى اراده وعزيمه على تحقيق التطوير
القاهره تعجبني طبعا فى الكثير
منها طيبه الناس والجو الجميل خاصه بالمساء
النيل الرائع
وهناك الكثير
اتمنى ان ارى القاهره وقد اصبحت فى مكانه افضل
اشكرك مره اخرى
واسف اذا كان رايي ضايقك
عايزاها بيوت من طابق واحد وتكون بعيدة نسيبا عن بعض وبحر وزرع وهوا نضيف
ردحذفعايزين ناس يخلوها جميلة ناس تعرف معنى العدل تكون البيوت بعيدة عن المصانع والزحمة
وممنوع اى وسائل المواصلات هنمشيها عجل بس منعا للتلوث
سؤالك جميل جدا وبوست اروع
تحياتى
المبروكه أسم جميل
ردحذفولكن القاهره أجمل وأقوى
أنا أرى أن يتم تفريغ القاهره من الوزارات والهيئات الكبرى ووقف البناء وده حيخفف كتير من زحامها وتوترها وده كان وارد وأثاروه من قبل
يعنى مثلاً وزاره الزراعه ووزاره الرى ووزاره الدفاع مثلاً ليست العاصمه مكانهم فليذهب وزير الزراعه بوزارته الى المناطق كثيفه الزراعه أو بالقرب من المناطق المستهدف زراعتها ده مثال فقط
وذلك ان حدث سيخف الضغط تدريجياً من قبل المتعاملين مع تلك الوزارات عن القاهره وترجع بنت عشرين سنه صبيه عفيه وجمالها حيبان ويزيد
ويبقى أتوجدت مجتمعات عمرانيه جديده وثابته
لكن صراحه مش قادر أتقبل عاصمه جديده بدلاً من القاهره
ودمت أخى بخير حال وبحلم
فليسمح لى كل من الاستاذ الفاضل محمود والاستاذ الفاضل واحد من العمال ان ارد عليهم فى نفس واحد بالطبع من غير المعقول ان نقيم عاصمة اخرى على نفس الاسلوب الحكومى الموجود حاليا فلن يفيد شيئا كما تقول انت ولكنى اطرح الموضوع على الناس وليعطى كل انسان تصورة حتى نصل الى شكل مناسب لعاصمة خالية من التلوث والتعقيدات والبيرقراطية الحكومية والزحام وهو ما يتسبب فية مجموعة من المواطينين اصحاب المصالح فقط بل هناك تلاال من المهاجرين من الصعيد وجة قبلى ومن الاقاليم الشمالية وجة بحرى نحو القاهرة لما فيها من مصدر للرزق والحياة حتى اكثر من المدن الجديدة اما بالسبة الى الناس الطيبين فهم نفس الناس الذين سوف يسكنون العاصمة الجديدة والتى جوها سوف يكون افضل حالا من جو القاهرة الملوث كذلك لن يكون هناك عشوائيات وسوف تكون اسعار الارضى فى متناول الجميع عوضا عن اسعار الارضى فى القاهرة والتى اصبحت من اغلى الارضى على مستوى العالم حتى اطرافها الصحراوية اصبحت نار. والاهم من ذلك ان قيام عاصمة جديدة سوف يفتح ابواب الرزق للجميع ويقيم اعمال ووظائف كثيرةز و بما انها جديدة فسوف تستوعب اى هجرة اليها وليس المهم ان يكون اسمها المبروكة او اى شى اخر او ان اسم القاهرة اقوى فنحن لن نغير اسم القاهرة المهم المضمون وسوف تبقى القاهرة العاصمة القديمة هى الاصل ولكن سوف تخفف العاصمة الجديدة عنها الاعداد الهائلة من المهاجرين من الاقاليم ويمكن نقل الكثير من المقيمين فى العشوائيات اليها ان القاهرة اصبحت تجذب ايضا اعداد من المهاجرين الاجانب من افريفيا والصين والفلبين والهند والدول العربية القاهرة اختنقت بالناس وشوارعها ومرافقها كمبليت
ردحذفالاستاذة مى مش عارف اقول اية ولكن انتى بنت حلال مصفى الحقيقة ان كنت بحضر بعض المواصفات للعاصمة الجديدة ومنها طبعا ان تكون شوارعها فصيحة والا تمشى فيها الا السيارات الكهربائية والمترو والترام الكهربائى على نفس طراز الترام الاوربى الصغير الجميل
ردحذفوفى الاطراف منها يمكن استعمال الكرتة بحصان والغنى يستطيع شراءة عربة مغلقة تجرها الخيول ونبقى زى
اوربا من 100 عام شكرا لمرورك وعلى انك سبقتينى فى بعض من موصفات المبروكة عاصمة مصر الجديدة
نفسى فيها
ردحذفوووووواسعة
المبانى دور واحد
كل فرد يمتك بيته
ورصيفه والجنينة
ولو متر فى متــر
المصـــالح الحكومية
مخصص لها مكان محدد
المفروش له مكان
وكذلك العزاب
وذوى الاطفال
(بمعنى تخصص كل منطقة)
طبعاً مش حاقولك على
المواصلات (كلها تحت الأرض)
وكفاااااااية احلام كده؟
دكتورة نورة فى بيتى بالمبروكة يا مرحبا وعلشان خاطرك راح تكون عربيات الفول منتشرة فى المبروكة ومحلات الطعمية لها الاولوية عن البيتزة والكنتاكى
ردحذفالسلام عليكم
ردحذفاخى محمد
معاك حق ان العاصمه زحمه
طيب ليه منعملش المدن الجديده كلها كده بنفس المواصفات الجميله دي
لكن فيه حاجتين مهمين وهم المواصلات الداخليه والخارجيه للمدينه
وكمان الامن داخل المدينه
فيه مدن جديده بتشتكى من السرقه
ربنا يصلح الاحوال
اهلا بيك استاذ محمود فى المبروكة
ردحذف1 -المواصلات الخارجيه
هتكون مواصلات عادية زى اى مكان طائرات قطارات سيارات يعنى شبكة مواصلات عادية لكنها هتكون على اطراف المدينة ولن تكون متوغلة فى قلب العاصمة.
2-مواصلات داخليه
السيارات الكهربائية والمترو والترام الكهربائى على نفس طراز الترام الاوربى الصغير الجميل
3- الامن فى حالة ان تكون هذة المدينة هى العاصمة سوف يجعلها نقطه جذب للناس وهو ما يساعد على الشعور بالامان والامن فى المدن الجديدة تحدث حالات سرقة بسب عدم وجود ناس او ما نطلق علية الونس الاعمار وانتشار الناس كفيلين على حل مشكلة الامن و بما انها هتكون عاصمة يعنى نقل السفارات والهيئات و الوزارت و جميع المصالح الحكومية وهذا يكفى للشعور بالامن
يكون شكلها ايه مليانة خضرا وزرع وورود وملاهي وناس بتضحك ومش شايلة الهم
ردحذفولا فيه على وشوشهم كآبة
تكون على اي طراز وعلى اي شكل المهمة يكون فيها روح انساني
يكون فيها خدمات ومرافق
المبروكه اسم حلو
ردحذفبس القاهره احلي
اهم حاجه فيها
الحكومه الي هتحكمها
يراعو بس انهم بيحكمو بشر مش اكتر
يخليهم ديمان فاكرين اننا بني ادمين
الحكم يبقي بل عدل
والميزان كفوفه تتساوه
مفيش فرق فيها بين غني ولا فقير
كل الناس واحد
والناس كلها تخاف علي بعض وتحب بعض
وميباق في قلبهوم اي شر ولا حقد
ثانيا بقي
الشوارع تكون نضيفه
والبيوت جمب بعض
الناس كلها تكون عارفه بعض
ثالثا
حته خيال ديه شويه بس انا عاوزها كده
الناس كلها تكون سعيده
وعندها راحه بال
ومطمنه وحسه بل امان
ومحدش خايف من حاجه وشايل هم بكره
دي كلها الامور الي الناس تعملها في الدنيا
طبعا العاصمه دلوقتي فيها مساجد كتير
بس انا عاوزه في الجديد مساجد كتير اه
بس مش ناس قليله بتصلي
الصلاه يبقي اهم حاجه والقرب من ربنا
يبقي ر فيها قانون يمنع الشغل وقت الازان
والناس كلها تشجع بعض علي انها تصلي
ونعمل الاطفال الصلاه ونخصص ليهم مكان
ياااااا حجات كتير بجد
منها تعليم كويس
شغل للشباب الي مش لقين
شغل للناس المحتاجه شغل ومعهاش اي شهاده
بس اهم حاجه نفسي يكون فيها
خير وحب وامان ورحمه وطيبه
تمشي فيها تحس انك في بتك بك الحلو الي فيه
تحياتي
واتمني التوفيق
القاهرة اسمها احلى علشان احنا اتعودنا علية وهى هيفضل اسمها القاهرة المبروكة دى اسم العاصمة الجديدة ولو فى حد عندة اقتراح باسم اخر يتفضل ويقولة بس موضوع البيوت تبقى جنب بعض دة صعب لانة فى رايى من اهم عيوب العاصمة القديمة
ردحذفانا جيت اسال بس واقول وحشتنى بوستاتك جداااااااااااااااااااااااااااااا
ردحذفلا كده كتير انت فين؟؟؟؟؟؟؟؟؟؟!!!!!!!!!!!!!):
اكيد الفكره جميله
ردحذفانا جيت أطمئن
ردحذفعلى سير العمل فى
عاصمتنا الجديدة
ايه الاخبــــار؟
وكمان اسأل عن هل
البيوت تمليك ولا ايجار؟
طيب ووسيلة الدفع او طريقة
الدفع ايه؟ ومين الممول ؟
انا بقى نفسي العاصمة الجديدة يعيش فيها ناس كلهم بيحبوا بعض وبيخافوا على بعض وبيراعوا مشاعر بعض ، ومشكلة أي واحد فيهم تبقى مشكلة الجميع لحد ما تتحل ويكون الضعيف فيهم هو أمير الركب ويسعى بذمتهم أدناهم
ردحذفالاستاذ محمد : موضوعك حلو اوى واحلامه جميلة ونفسنا فعلا فى دنيا جديدة نعيش فيها لاننا اكيد كلنا زهقنا من الزحمة فى القاهرة دلوقتى. بس خايف فعلا المدينة الجديدة تبقى برضو للاغنياء فقط كالحال فى المدن الراقية الجديدة ونبقى مجرد عمال بتبنى دنيا حلوة يعيش فيها غيرنا واحنا مجرد نشتغل عندهم ونتفرج عليهم من بعيد.
ردحذفالسلام عليكم
ردحذفوالله يا استاذ عادل هى المطلوب انها تكون عاصمة و ليست مجرد مدينة مثل باقى المدن الجديدة و دة معناة ان الجميع يستطيع الاقامة والعيش بها ولكن على راى المثل على قد لحافك مد رجليك بمعنى ان الارضى يجب ان تكون مدعمة للبسطاء و ان يكون هناك تمويل لمساعدتهم فى بناء منازل تليق بالعاصمة الجديدة اما الاغنياء فلا دعم و كل واحد يبنى بيتة بالطريقة التى يرغب فيها بالمساحة التى يريدها لبيتة و هذا سوف يجذب تمويل للصرف على باقى المناطق الخاصة بالفقراء
أستاذ محمد،
ردحذفالسلام عليكم، أنا اردت أن أعلق على هذا البوست رغم مرور الكثير من الوقت عليه ولكن قرأت هنا أحدث التعليقات وأردت ان أقول لك ميرسى على اظهار المدونات من جديد واسمح لى ان أتوجه بالشكر لمن كان السبب وراء عودتك. أنا بأحاول أقرأكل ماكتبت بسرعة لانى لاأضمنك بصراحة: فجأة تختفى المدونات وتتركنا فى حيرة ولذلك أردت اغتنام الفرصة فقرأت أكثر من بوست....
أما رأى فى عاصمتنا: النظافة ثم النظافة ثم النظافة والشعور بالانتماء بمعنى أن نحافظ على كل شىء فيها وأن تتم صيانة جميع المنشآت بصفة دورية وبدقة حتى نحافظ على ما نملك فيبارك لنا الله فيها
أعرف أنى أطلت عليك...
شكرا يا استاذة نوسة
ردحذفكدة برضة لن تضمنينى معنى كلامك انى كل يوم بشكل وراى و غير متزن اما عن السبب والشخص وراء رجوعها فهو ليس بسر و اول حرف من اسمة
أ
السلام عليكم
ردحذففينك ياراجل سايب المبروكه لوحدها ليه
وكل عام وأنت بخير حال
و عليكم السلام
ردحذفواحد من العمال صديقى
كل عام و انت و امة لا اله الا الله محمد رسول الله بالف مليون خير و سلام
لم اتركها و لكنها تركت لاهلها
ايضا هناك خمول بين المدونين
شكرا يا اخى الكريم
رمضان كريم
كل سنةوحضرتك
ردحذفطيب يااستاذ محمد
رمضان كريم والله سبحانه
وتعالى أعلى وأغلى وأكرم
دكتورة نور اية اليوم الجميل دة
ردحذفاثنين من اجمل الاصدقاء فى المدونة و الله زمان
كل سنة و حضرتك وكل المسلمين بالف مليون سلام و العالم اجمع يلاة